Misticas:curso do 34

PREMIO XOSÉ NEIRA VILAS DE LITERATURA XUVENIL 2026 Corre o ano 1934. Clara Campoamor, a primeira deputada que fala diante do Congreso español, consegue que o sufraxio feminino entre na Constitución. Outra vitoria na loita polos dereitos da muller é de Miranda Xardín, a primeira mística que admiten na Escola de Tambo para Fillos de Breogán, unha institución tradicionalmente masculina cunha longa historia no ensino do oficio de menciñeiro, alta maxia e artes divinatorias. Cando un estudante aparece asasinado, os rapaces acusan a Miranda de invocar unha moura para cometer o crime no seu nome. Todos, menos un, Nicanor Valiente, marxinado polos seus compañeiros debido aos seus intereses fóra da norma. Xuntos terán que resolver o misterio antes de que a moura, ou, se cadra, a misoxinia institucionalizada, acabe con eles.